Benny Blanco 5 gün yalnız pizza yeyərək 2 kilo arıqladığını açıqladı
Musiqi prodüseri Benny Blanco beş gün ərzində yalnız pizza yeyərək 2 kiloqram arıqladığını açıqlayıb.
Crossmedia.az xəbər verir ki, o bu barədə “TikTok”da paylaşdığı videoda məlumat yayıb.
Blanco paylaşdığı videoda beş gün ardıcıl olaraq yalnız Domino’s restoranından aldığı böyük, nazik xəmirdən hazırlanmış pizza yediyini bildirib.
Prodüser eksperimentə başladığı zaman çəkisinin 69 kiloqram olduğunu deyib. Beş günün sonunda isə təxminən 2 kiloqram arıqladığını açıqlayıb.
“Mən sadəcə pizza yeyərək 4,7 funt (təxminən 2 kiloqram – red.) arıqladım. Heç nəyin əhəmiyyəti yoxdur, istədiyinizi edin”, – deyə Blanco bildirib.
Qeyd edək ki, sözügedən nəticə yalnız Blanco-nun şəxsi təcrübəsinə əsaslanır və pizza ilə qidalanmanın arıqlamaq üçün tövsiyə olunan üsul olduğu anlamına gəlmir.
13:32 23.08.2026
Oxunuş sayı: 62
