İranda mikroavtobus dərəyə yuvarlandı: 7 nəfər öldü, 6 nəfər yaralandı
İranda sərnişin daşıyan mikroavtobusun dərəyə yuvarlanması nəticəsində 7 nəfər ölüb, 6 nəfər yaralanıb.
Crossmedia.az xəbər verir ki, “Fars News” bu barədə məlumat yayıb.
Qəza avqustun 22-də saat 18:45 radələrində Fars əyalətinin Bağ-e Səfa ərazisində baş verib.
İranın təcili yardım xidmətlərinin məlumatına görə, ölənlərin 6-sı qadın, 1-i kişi olub. Yaralananlar arasında iki qız da var. Onlardan birinin vəziyyətinin ağır olduğu bildirilir.
Yaralılar Amol şəhərindəki xəstəxanaya çatdırılıb. İran Qızıl Aypara Cəmiyyətinin xilasediciləri ölənlərin və yaralıların dərədən çıxarılması üçün xüsusi texniki əməliyyat keçiriblər.
Dərənin dərinliyi və havanın qaralması xilasetmə işlərini çətinləşdirib. Əməliyyat bir neçə saat davam edib.
12:57 23.08.2026
Oxunuş sayı: 61
