Gecələr daha rahat yatmaq istəyənlər bu üsulu sınayın
Rozmarin uzun illərdir yalnız mətbəxdə deyil, həm də evdə istifadə olunan müxtəlif üsullarda tətbiq edilir.
Crossmedia.az ˝Unian˝a istinadən xəbər verir.
Son zamanlar isə bu bitkinin bir neçə budağını su dolu qaba qoyaraq yataq otağında saxlamaq üsulu məşhurlaşıb.
Bu üsulu sınayanların fikrincə, rozmarinin qoxusu otaqda təravət və rahatlıq hissi yarada bilər. Bitkinin özünəməxsus ətri istirahət üçün daha xoş atmosfer yaratmağa kömək edir və bir neçə gün ərzində otağa xoş qoxu verir.
Su isə rozmarin budaqlarının daha uzun müddət təzə qalmasına kömək edir. Bunun üçün sadəcə bir qaba su tökmək, içərisinə bir neçə rozmarin budağı yerləşdirmək və bitkinin bir hissəsini suyun üzərində saxlamaq kifayətdir.
Hazırlanan qabı yataq otağında çarpayının yanındakı tumba, komod və ya rəfə yerləşdirmək tövsiyə olunur.
Rozmarinin digər faydaları
Daha əvvəl aparılan araşdırmalarda rozmarinin yaddaşa və beyin fəaliyyətinə müsbət təsir göstərə biləcəyi qeyd olunub. Bitkinin tərkibində olan karnosin turşusunun yaddaş proseslərini stimullaşdırmağa kömək etdiyi bildirilib.
Mütəxəssislər həmçinin rozmarinin mətbəxdə, kosmetikada və bəzi məişət üsullarında istifadəsinin geniş olduğunu vurğulayırlar. Son illərin araşdırmaları bu bitkinin idrak funksiyalarının dəstəklənməsində potensialını göstərib.
19:44 22.08.2026
Oxunuş sayı: 55
