Tacikistan nümayəndə heyəti İran xarici işlər naziri ilə görüşüb
Tacikistanın yüksək səviyyəli nümayəndə heyəti İranın xarici işlər naziri Seyid Abbas Əraqçi ilə görüş keçirib.
Crossmediaa.z xarici mediaya istinadən xəbər verir.
Görüşdə Tacikistanın energetika və su ehtiyatları naziri, nəqliyyat naziri, xarici işlər nazirinin müavini, eləcə də bir qrup sahibkar iştirak edib.
Tərəflər danışıqlar zamanı ticarət-iqtisadi əlaqələrin genişləndirilməsi, energetika və logistika sahələrində əməkdaşlığın gücləndirilməsi məsələlərini müzakirə ediblər.
Həmçinin Tacikistanın neft emalı zavodlarının fəaliyyətinin təmin olunması üçün İrandan neft məhsulları və xam neft tədarükünü nəzərdə tutan uzunmüddətli sazişin hazırlanması barədə fikir mübadiləsi aparılıb.
20:45 15.08.2026
Oxunuş sayı: 38
