Xarici xəbərlər

KİV: Ukrayna Rusiyaya uzaqmənzilli zərbələri üç dəfə artırıb

Ukrayna iyul ayında Rusiyaya qarşı uzaqmənzilli zərbələrin sayını ilin əvvəlindəki göstərici ilə müqayisədə üç dəfə artırıb.

Crossmedia.az bu barədə “Associated Press” -ə (AP) istinadən xəbər verir.

Analitiklərin hesablamalarına görə, iyul ayında Ukraynanın Rusiyaya endirdiyi uzaqmənzilli zərbələrin sayı yanvar ayındakı göstəricidən üç dəfə çox olub. Əsas hədəflər arasında neft infrastrukturu, müdafiə müəssisələri, hava hücumundan müdafiə sistemləri və radarlar yer alıb.

Bununla yanaşı, RUSI-nin baş elmi əməkdaşı Cek Uotlinqin qiymətləndirməsinə görə, Ukraynanın buraxdığı raket və PUA-ların yalnız 5–9 faizi Rusiya hava hücumundan müdafiə sistemlərini keçə bilir.

Onun sözlərinə görə, Rusiya hava hücumundan müdafiəsini yarmaq üçün çox sayda PUA-dan istifadə edilməsinə ehtiyac yaranır.

AP-nin məlumatına görə, bütün bunlara baxmayaraq, uzaqmənzilli zərbələrin intensivliyi artmaqda davam edir.

Mövzular:

PUA Rusiya Ukrayna raket zərbə hücum müdafiə müqayisə

🖨 Çap et

23:44 11.08.2026

Oxunuş sayı: 53