Kolumbiyada zəlzələyə görə futbol çempionatı dayandırıldı
Kolumbiyanın peşəkar futbol liqası dağıdıcı zəlzələdən sonra ölkə çempionatının oyunlarını bir həftə müddətinə dayandırıb.
Crossmedia.az xəbər verir ki, Kolumbiyanın peşəkar futbol liqası bu barədə məlumat yayıb.
Qərar təbii fəlakətdən zərər çəkən şəhər və bölgələrdəki vəziyyət qiymətləndirildikdən sonra qəbul edilib. Avqustun 10-da Kolumbiyada 7,4 maqnitudalı zəlzələ baş verib.
Kolumbiya Prezidenti Abelardo de la Espriella bildirib ki, zəlzələ nəticəsində azı 111 nəfər həyatını itirib.
Çempionatın iki divizionunda mübarizə aparan 36 peşəkar klub zərərçəkmiş icmalara yardım göstərmək üçün səylərini birləşdirəcək. Klublar fövqəladə vəziyyət şəraitində ölkəyə dəstək məqsədilə öz imkan və resurslarını səfərbər edəcək.
Liqa tərəfindən yayılan açıqlamada bildirilib ki, qərarın əsas səbəbi zəlzələdən zərər çəkən insanlara və Kolumbiyaya dəstək olmaqdır. Açıqlamada futbolun hazırda gözləyə biləcəyi, ölkənin isə yardıma ehtiyac duyduğu vurğulanıb.
12:57 11.08.2026
Oxunuş sayı: 66
