Peskov Trampın Ukrayna səması ilə bağlı bəyanatını şərh edib
Kreml ABŞ Prezidenti Donald Trampın Ukrayna üzərində hava məkanının bağlanması ilə bağlı mümkün açıqlamasını yeni bəyanat kimi qiymətləndirib.
Crossmedia.az xəbər verir ki, bu barədə Rusiya Prezidentinin mətbuat katibi Dmitri Peskov brifinqdə bildirib.
Peskovun sözlərinə görə, indiyədək Ukrayna səmasının bağlanması məsələsi rəsmi şəkildə müzakirə olunmayıb.
"Bu, yeni bəyanatlardır. Əvvəllər belə açıqlamalar olmayıb. Ukrayna səmasının bağlanması mövzusu indiyədək müzakirə edilməyib", – deyə o bildirib.
Kreml sözçüsü ehtimal edib ki, belə bir ssenari reallaşarsa, söhbət NATO üzvü ölkələrin silahlı qüvvələrinin Ukraynaya yerləşdirilməsindən gedə bilər.
Peskov vurğulayıb ki, Rusiya "xüsusi hərbi əməliyyat" adlandırdığı kampaniyanı məhz buna qarşı apardığını iddia edir.
Onun sözlərinə görə, Moskva bu təşəbbüsün nə dərəcədə işlənib hazırlandığını, hansı tərəflər arasında razılaşdırıldığını və digər detallarını hələ qiymətləndirməlidir.
14:23 09.07.2026
Oxunuş sayı: 69
