Hesabat: Rusiyanın Ukraynadakı irəliləyişi Putinin dediyindən beş dəfə azdır
ABŞ-də fəaliyyət göstərən Müharibənin Araşdırılması İnstitutu Rusiyanın Ukraynadakı ərazi irəliləyişinin Kremlin açıqladığı göstəricilərlə üst-üstə düşmədiyini bildirib.
Crossmedia.az xəbər verir ki, İnstitutun qiymətləndirməsinə görə, Rusiya ordusu ilin əvvəlindən bəri Ukraynada ümumilikdə 621,7 kvadrat kilometr ərazini ələ keçirib və ya həmin ərazilərə daxil olub.
Bundan əvvəl Rusiya Prezidenti Vladimir Putin ilin əvvəlindən 3 min kvadrat kilometrdən çox ərazinin və 133 yaşayış məntəqəsinin nəzarətə götürüldüyünü iddia etmişdi.
Rusiya Silahlı Qüvvələrinin Baş Qərargah rəisi Valeri Gerasimov isə yalnız iyun ayında 636 kvadrat kilometr ərazinin və 29 yaşayış məntəqəsinin ələ keçirildiyini bildirmişdi.
ISW-nin hesablamalarına görə, ilin əvvəlindən nəzarətə götürülən yaşayış məntəqələrinin sayı 64-dür ki, bu da Rusiya rəsmilərinin açıqladığı rəqəmdən iki dəfədən çox azdır.
Analitiklər hesab edirlər ki, Kreml cəbhədəki vəziyyəti daha uğurlu göstərməyə çalışır. Onların fikrincə, bunun məqsədi ölkə daxilində müharibənin "effektivliyi" barədə təsəvvür yaratmaq və Moskvanın danışıqlar prosesində mövqelərini gücləndirməkdir.
17:17 06.07.2026
Oxunuş sayı: 54
