Nyu-York meri şəhəri yox, sosial şəbəkələri idarə edir? – QALMAQAL
Nyu-York meri Zöhran Mamdani sosial şəbəkələr üçün videoların hazırlanmasına həddindən artıq vaxt ayırmaqda və şəhərin idarə olunması ilə bağlı vəzifələrini ikinci plana keçirməkdə ittiham edilir.
Crossmedia.az xəbər verir ki, “The New York Post” qəzeti meriyanın fəaliyyətindən məlumatlı mənbəyə istinadən bu barədə məlumat yayıb.
Nəşrin məlumatına görə, Mamdaninin komandası sosial şəbəkələr üçün videoçarxların hazırlanmasını müzakirə etmək məqsədilə bəzi işgüzar görüşləri təxirə salır.
Bildirilib ki, yanvar ayından bəri merin müzakirəsinə təqdim olunan 100-ə yaxın qanun layihəsindən yalnız biri onun imzası ilə təsdiqlənib. Həmin qanun şəhər səkilərində iaşə obyektlərinin ilboyu açıq havada fəaliyyət göstərməsinə icazə verir.
Digər qanun layihələrinin bir hissəsi isə mer tərəfindən imzalanmadan, qanunvericilikdə nəzərdə tutulan prosedur əsasında avtomatik qüvvəyə minib.
Müqayisə üçün qeyd olunur ki, eyni müddət ərzində Nyu-Yorkun əvvəlki meri Erik Adams 30, Bill de Blazio 47, Maykl Blumberq isə 28 qanun imzalayıb.
Mənbələr Mamdaninin sosial şəbəkələrdə fəallığının idarəetmə prosesinə mənfi təsir göstərdiyini iddia edirlər.
Nyu-York meriyası isə nəşrin sorğusuna cavab verməyib.
18:05 22.10.2026
Oxunuş sayı: 59
