Xarici xəbərlər
Rusiyada miqrantların deportasiya əsasları genişləndirilir
Rusiyada miqrantların deportasiya olunmasına əsas verən inzibati xətaların siyahısı əhəmiyyətli dərəcədə genişləndiriləcək.
Crossmedia.az xəbər verir ki, bu barədə Rusiya Dövlət Dumasının sədri Vyaçeslav Volodin məlumat verib.
Onun sözlərinə görə, ilkin plana əsasən, deportasiya ilə nəticələnə biləcək İnzibati Xətalar Məcəlləsinin maddələrinin sayı 22-dən 43-ə çatdırılmalı idi. Lakin yeni düzəlişlərdən sonra bu rəqəm 45-ə yüksələcək.
Volodin bildirib ki, cəza tədbirlərinin genişləndirilməsi miqrasiya sahəsində nizam-intizamın gücləndirilməsi və ictimai təhlükəsizliyin artırılması məqsədi daşıyır.
13:05 06.07.2026
Oxunuş sayı: 49
