Rusiya Kiyevə raket və PUA-larla zərbələr endirdi: ölən və yaralananlar var
Rusiya ordusu bazar ertəsinə keçən gecə Ukraynanın paytaxtı Kiyevə ballistik və qanadlı raketlər, həmçinin zərbə tipli pilotsuz uçuş aparatları ilə hücum edib.
Crossmedia.az Ukrayna mətbuatına istinadən xəbər verir ki, bu barədə Kiyev Şəhər Hərbi Administrasiyasının rəhbəri Timur Tkaçenko məlumat verib.
Onun sözlərinə görə, hücum zamanı 20-dən çox hipersəs və ballistik raket, eləcə də X-101 tipli qanadlı raketlərdən istifadə olunub.
Hücum nəticəsində azı 9 nəfər həlak olub, 46 nəfər isə müxtəlif dərəcəli bədən xəsarətləri alıb.
Məlumata görə, zərbələr nəticəsində yaşayış binaları dağılıb. Xilasetmə və axtarış işləri davam edir.
10:03 06.07.2026
Oxunuş sayı: 61
