Ukrayna Baş Qərargahı: Rusiya neft emalı gücünün 42,74 faizi sıradan çıxarılıb
Ukrayna pilotsuz uçuş aparatları ilə həyata keçirilən zərbələr nəticəsində Rusiyanın neft emalı sənayesinin layihə gücünün 42,74 faizinin sıradan çıxarıb.
Crossmedia.az xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.
Bildirilib ki, son bir ay ərzində Ukrayna Müdafiə Qüvvələri Rusiyaya məxsus səkkiz neft emalı zavoduna zərbələr endirib, həmçinin xam neft və neft məhsulları saxlanılan 60-dan çox rezervuarı məhv edib və ya ciddi şəkildə zədələyib.
Ukrayna hərbçilərinin qiymətləndirməsinə görə, 2025-ci ilin avqustundan etibarən Rusiyanın neft emalı sənayesinə dəyən ümumi zərər 13,5 milyard ABŞ dollarına çatıb.
17:41 04.07.2026
Oxunuş sayı: 57
