Fransa müdafiə büdcəsini 436 milyard avroya çatdırır
Fransa parlamenti 2024–2030-cu illəri əhatə edən hərbi planlaşdırma haqqında qanunu yekun olaraq təsdiqləyib.
Crossmedia.az xəbər verir ki, qanuna əsasən, ölkənin müdafiə xərcləri 2030-cu ilədək 436 milyard avroya çatdırılacaq.
Sənədi Milli Assambleyada 375 deputat dəstəkləyib, 113 deputat isə əleyhinə səs verib.
Qanuna əsasən, 2026–2030-cu illər üçün əlavə 36 milyard avro ayrılacaq. Bu vəsait beynəlxalq təhlükəsizlik mühitinin pisləşməsi fonunda Fransanın müdafiə qabiliyyətinin gücləndirilməsinə yönəldiləcək.
Prioritet istiqamətlər sırasında artilleriya sursatı, raketlər və pilotsuz uçuş aparatlarının alınması, həmçinin kibermüdafiə və kosmik kəşfiyyat imkanlarının inkişafı yer alır.
Büdcənin artırılması nəticəsində Fransanın hərbi xərcləri ÜDM-in 2,5 faizinə çatacaq.
Fransanın silahlı qüvvələr naziri Ketrin Votren bildirib ki, proqram müasir silahlı münaqişələrdən, xüsusilə Ukrayna və Yaxın Şərqdəki döyüş əməliyyatlarından çıxarılan nəticələr nəzərə alınmaqla hazırlanıb.
11:41 03.07.2026
Oxunuş sayı: 45
