Xameneyi: ABŞ və İsrail rəsmiləri məsuliyyətə cəlb olunmalıdır
İranın ali rəhbəri Əli Xameneyinin oğlu Müctəba Xameneyi ABŞ və İsrail rəsmilərinin son müharibə ilə bağlı məsuliyyətə cəlb edilməli olduğunu bildirib.
Crossmedia.az xəbər verir ki, bu barədə xarici KİV məlumat yayıb.
O, ABŞ və İsraili İrana qarşı həyata keçirilən hərbi əməliyyatlara görə ittiham edərək bildirib ki, cinayətkarların yaxasından yapışmaq və onları törətdikləri əməllərə görə cəzalandırmaq lazımdır.
Xameneyi həmçinin iddia edib ki, ABŞ və İsrail rəsmilərinin bu hadisələrlə bağlı verdikləri bəyanatlar hüquqi məsuliyyət üçün əsas yarada bilər.
O əlavə edib ki, son müharibələr zamanı həlak olanların qisası həm ölkə daxilində, həm də beynəlxalq məhkəmələrdə hüquqi müstəvidə təqib edilməlidir.
09:37 30.06.2026
Oxunuş sayı: 42
