Hava bazası yaxınlığında saxlanılan şəxslərin kimliyi məlum olub
Britaniyanın Fairford hava bazası yaxınlığında saxlanılan beş nəfərin London sakinləri olan 23-25 yaşlı Britaniya vətəndaşları olduğu müəyyənləşib.
Crossmedia.az xəbər verir ki, “Reuters” bu barədə Britaniya polisinin məlumatına istinadən məlumat yayıb.
Hüquq-mühafizə orqanları saxlanılan şəxslərin mümkün motivlərini araşdırır. Reuters-in araşdırmanın gedişatı ilə tanış mənbəyə istinadən yaydığı məlumata görə, hadisənin İranla mümkün əlaqəsi əsas versiya kimi nəzərdən keçirilir. Bununla yanaşı, Rusiyanın mümkün təxribatı və islamçı qruplaşmanın iştirakı ehtimalları da araşdırılır. İranın Londondakı səfirliyi isə hadisəyə hər hansı aidiyyəti olduğunu rədd edib.
Beş kişi yerli fermerin polisə üç ağ furqonun hava bazasına doğru hərəkət etdiyini bildirməsindən sonra saxlanılıb. Hadisə ilə əlaqədar bazanın ətrafında 400 metrlik təhlükəsizlik zonası yaradılıb və 85 evin sakinləri təxliyə edilib.
Britaniyanın antiterror bölməsi saxlanılan şəxsləri dindirməkdə davam edir.
19:04 28.09.2026
Oxunuş sayı: 48
