Rusiyada böyük miqyaslı səfərbərlik ola bilər
Rusiya hakimiyyəti Dövlət Dumasına keçiriləcək seçkilərdən sonra Ukraynaya qarşı davam edən müharibə fonunda böyükmiqyaslı səfərbərlik planını nəzərdən keçirir.
Crossmedia.az bu barədə xarici mediaya istinadən xəbər verir.
Analitiklərin qiymətləndirməsinə əsasən, söhbət təxminən 650 min nəfərin hərbi xidmətə cəlb olunmasından gedir. Bu rəqəmin reallaşacağı halda, bu addım müharibə dövründə indiyə qədər həyata keçirilmiş ən iri səfərbərlik dalğası ola bilər.
Məlumatlarda qeyd olunur ki, bu ssenari tam səfərbərliyə yaxın bir addım kimi qiymətləndirilir və Rusiyanın hərbi resurslarını ciddi şəkildə artırmaq məqsədi daşıya bilər.
Eyni zamanda ekspertlər bildirirlər ki, qərar hələlik yekun deyil və Duma seçkilərindən sonra siyasi vəziyyət və cəbhədəki inkişaflara uyğun olaraq dəyişə bilər.
Qeyd edək ki, rəsmi Moskva bu iddialarla bağlı hələlik təsdiqedici açıqlama verməyib.
00:07 27.06.2026
Oxunuş sayı: 52
