Xarici xəbərlər

İsveçrə Rusiyaya qarşı sanksiyalardan imtina edə bilər

İsveçrədə sentyabrın 27-də keçiriləcək referendumda neytrallığın sərtləşdirilməsi təşəbbüsü dəstəklənərsə, ölkənin Rusiyaya qarşı sanksiyalara qoşulmaq imkanları məhdudlaşa bilər.

Crossmedia.az xəbər verir ki, “Politico” bu barədə məlumat yayıb.

Təşəbbüs qəbul edilərsə, İsveçrə yalnız BMT Təhlükəsizlik Şurasının qərarı ilə tətbiq olunan sanksiyalara qoşula biləcək. Bu isə Rusiyanın veto hüququna malik olduğu BMT TŞ-nin təsdiqi olmadan Moskvaya qarşı məhdudiyyətlərin tətbiqini faktiki olaraq istisna edə bilər.

Təşəbbüs həmçinin İsveçrənin NATO kimi hərbi ittifaqlarla əməkdaşlığını məhdudlaşdırmağı nəzərdə tutur. Ölkənin rəsmi məlumatına görə, belə əməkdaşlıq yalnız İsveçrənin hərbi hücuma məruz qalması və ya belə hücumun hazırlanması halında mümkün olacaq.

Mövzular:

İsveçrə BMT Təhlükəsizlik Şurası NATO Moskva BMT Rusiya

🖨 Çap et

23:35 25.09.2026

Oxunuş sayı: 34