Bu il əhalinin yarıdan çoxu icbari sığortadan yararlanıb
Bu ilin 11 ayı ərzində Azərbaycanda əhalinin 52 %-i icbari tibbi sığortadan yararlanıb.
Bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev qurumun ilin yekunları ilə bağlı keçirilən mətbuat konfransında deyib.
O bildirib ki, həmin müddətdə dövlət tibb müəssisələrində icbari tibbi sığorta hesabına 352 985 əməliyyat və prosedurlar icra olunub.
Həmçinin, bu il üçün tibbi xidmətlərlə əlaqəli özəl tibb müəssisələrinə 248.6 milyon manat ödəniş olunub
Onun sözlərinə görə, bu ilin 11 ayı ərzində özəl tibb müəssisələrinə 304 min 299 göndəriş verilib:
"Hesabat dövründə özəl xəstəxanalarda cərrahi xidmət sayı 167 min 359 təşkil edib. Özəl xəstəxanalarda daha çox invaziv radioloji, oftalmoloji və ürək-damar cərrahiyyəsi xidmətləri göstərilib".
Z.Əliyev vurğulayıb ki, bu günə qədər Agentlik 179 özəl tibb müəssisəsi ilə müqavilə imzalayıb. (Report)
07:16 17.12.2024
Oxunuş sayı: 8060
