Xarici xəbərlər

ABŞ İran futbolçularına viza verməyəcək

İranın Futbol Federasiyası ABŞ ilə bağlı viza məsələlərində gecikmələrin Dünya Kubokuna hazırlıq prosesinə ciddi təsir göstərə biləcəyini açıqlayıb.

Crossmedia.az bu barədə xarici mediaya istinadən xəbər verir.

Federasiyanın sözçüsü Əmir Mehdi Ələvi bildirib ki, İran milli komandasının turnir üçün viza prosedurları Birləşmiş Ərəb Əmirliklərində tamamlanıb, lakin ABŞ tərəfinin rəsmi cavabı hələ də verilməyib.

Onun sözlərinə görə, bəzi futbolçulara viza verilməməsi ehtimalı yaranarsa, texniki heyət artıq alternativ planlar üzərində işləyir.

Ələvi həmçinin qeyd edib ki, İran Futbol Federasiyasının prezidenti yaxın 48 saat ərzində Türkiyədə FIFA rəsmiləri ilə görüşəcək və əsas gündəm mövzusu məhz viza problemi olacaq.

Dünya Kubokunun startına bir aydan az vaxt qaldığı üçün ABŞ vizalarının gecikməsi İran milli komandası üçün hazırlıq prosesində ən ciddi maneələrdən biri kimi qiymətləndirilir.

🖨 Çap et

16:47 14.05.2026

Oxunuş sayı: 122