ABŞ İrana qarşı quru əməliyyatına başlaya bilər
ABŞ-nin İran ərazisində quru əməliyyatına başlamağa yaxınlaşdığı bildirilir.
Crossmedia.az bu barədə "The Wall Street Journal" nəşrinə istinadən xəbər verir.
Məlumata görə, ABŞ Hərbi Dəniz Qüvvələrinə məxsus USS Tripoli (LHA-7) amfibiya hücum gəmisi müşayiətçi qüvvələrlə birlikdə 5–7 gün ərzində Fars körfəzinə çatacaq. Gəmidə hava qrupu və 2000-dən çox dəniz piyadasının olduğu qeyd edilir. Bu, bölgəyə göndərilən ikinci dəniz piyadaları qrupudur.
ABŞ hərbi rəsmilərinin sözlərinə görə, Vaşinqton və müttəfiqləri Hörmüz boğazında gəmiçiliyin təhlükəsizliyini təmin etmək üçün səylərini artırıb. Bu çərçivədə İranın dəniz qüvvələrinə qarşı aşağı hündürlükdə uçan zərbə təyyarələri və dronların zərərsizləşdirilməsi üçün AH-64 Apache helikopterlərinin bölgəyə göndərildiyi bildirilir.
14:27 20.03.2026
Oxunuş sayı: 50
