Xarici xəbərlər

İsrailin İranın qaz yatağına hücumu ABŞ-la koordinasiyalı şəkildə həyata keçirilib

İsrail tərəfindən İran ərazisində yerləşən Cənubi Pars qaz yatağı üzərinə edilən hücum ABŞ ilə koordinasiya şəraitində baş tutub.

Crossmedia.az xəbər verir ki, bu barədə "Axios" nəşri məlumat yayıb.

Nəşrin israilli müxbiri Barak Ravid İsrail rəsmilərinə istinadən bildirib ki, əməliyyat İsrail baş nazirinin ofisi ilə Ağ Ev arasında razılaşdırılıb.

Rəsmi mənbələrin sözlərinə görə, hücumun əsas məqsədi Tehrana xəbərdarlıq mesajı vermək olub. Bildirilib ki, əgər İran Hörmüz boğazı üzərindən neft tədarükünü pozmağa davam edərsə, ölkənin enerji infrastrukturu daha geniş şəkildə hədəfə alına bilər.

“Bu hücum növbəti addımın nə ola biləcəyi barədə bir mesaj idi”, – deyə İsrail rəsmisi qeyd edib.

Məlumata görə, əməliyyat İsrail Hərbi Hava Qüvvələri tərəfindən həyata keçirilib və ABŞ tərəfindən təsdiqlənib. Hücumun məqsədlərindən birinin də İran daxilində iqtisadi və strateji təzyiq yaratmaq olduğu bildirilir.

🖨 Çap et

16:20 19.03.2026

Oxunuş sayı: 287