Xarici xəbərlər

İran ABŞ və İsrail maliyyə mərkəzlərini hədəf ala biləcəyini açıqladı

İran Yaxın Şərqdə ABŞ və İsrailə məxsus banklar və maliyyə mərkəzlərinin növbəti hücum hədəfi ola biləcəyini bildirib.

Crossmedia.az bu barədə xarici mediaya istinadən xəbər verir.

Məlumatı SEPAH Xatəmül-Ənbiya Qərargahının sözçüsü açıqlayıb. Bildirilib ki, İran banklarından birinə edilən hücuma cavab olaraq regiondakı Amerika və İsrail iqtisadi obyektləri hədəfə alına bilər.

Bəyanatda qeyd olunur ki, ABŞ və İsrail hərbi məqsədlərinə nail ola bilmədikdən sonra İranın bank infrastrukturuna zərbə endirib, bu isə regiondakı ABŞ və İsrail obyektlərinin cavab zərbələrinin hədəfi olmasına səbəb olub.

Sözçü amerikalıların “ağrılı cavab zərbəsi” gözləməli olduğunu bildirib və region ölkələrinin vətəndaşlarına banklardan ən azı bir kilometr uzaq durmaq tövsiyə olunub.

🖨 Çap et

14:19 11.03.2026

Oxunuş sayı: 50