Makron Trampı nədə ittiham edir?
Fransa Prezidenti Emmanuel Makron bildirib ki, Donald Tramp Avropanı “parçalamaq” niyyətindədir və Avropa İttifaqını ABŞ-la mübarizəyə hazır olmağa çağırıb. Onun sözlərinə görə, güzəşt və razılaşma cəhdləri artıq özünü doğrultmayıb.
Crossmedia.az bu barədə xarici mediaya istinadən xəbər verir.
“Açıq-aşkar aqressiya aktı baş verdikdə, məncə, biz geri çəkilməli və ya razılaşma əldə etməyə çalışmamalıyıq. Düşünürəm ki, bir neçə aydır bu strategiyanı sınayırıq. O, işləmir”, — deyə Makron bir sıra Avropa qəzetlərinə verdiyi müsahibədə bildirib.
Makron həmçinin birgə borclanma, böyükmiqyaslı investisiyalar və dolların üstünlüyünə meydan oxumağın vacibliyini vurğulayıb. O, “Qrenland anı”nı narahatedici siqnal adlandırıb və xəbərdarlıq edib ki, Vaşinqtonla münasibətlərdə müvəqqəti sakitlik stabillik demək deyil: yaxın aylarda ABŞ-ın Avropaya, xüsusilə rəqəmsal tənzimləmə sahəsində təzyiqi artacaq.
Turqut Ansari
14:50 10.02.2026
Oxunuş sayı: 564
