Tramp: körpünün açılmasına icazə verməyəcəm
ABŞ Prezidenti Donald Tramp Kanadanın Vaşinqtona körpü üzərində mülkiyyət hüquqlarının ən azı yarısını verməyəcəyi təqdirdə Ontario ilə Miçiqan ştatı arasında körpünün açılmasına icazə verməyəcəyini bildirib.
Crossmedia.az bu barədə xarici mediaya istinadən məlumat verir.
“Birləşmiş Ştatlar onlara verdiyimiz hər şeyə görə tam kompensasiya almayana və Kanada ABŞ-yə layiq olduğumuz ədalət və hörmətlə yanaşmayana qədər bu körpünün açılmasına icazə verməyəcəyəm. Danışıqlara dərhal başlayacağıq. Onlara verdiklərimizi nəzərə alsaq, biz bu aktivin ən azı yarısına sahib olmalıyıq”, – deyə ABŞ lideri Truth Social sosial şəbəkəsində yazıb.
Tramp vurğulayıb ki, yaranmış problemin əsas günahkarı ABŞ-ın keçmiş prezidenti Barak Obamadır. Onun sözlərinə görə, Obama “ağılsızcasına hüquqlardan imtina edib ki, onlar qanunu dolansınlar və Amerika məhsullarından, o cümlədən ABŞ poladından istifadə etməsinlər”.
Tramp həmçinin bir daha Kanada hakimiyyətinin Çinlə saziş bağlamaq niyyətini tənqid edib və iddia edib ki, belə bir razılaşma baş tutacağı halda Pekin guya bütün Kanada xokkeyini dayandıra və Stenli Kubokunu birdəfəlik ləğv edə bilər. O, daha əvvəl də Ottava ilə Pekin arasında yaxınlaşmanın nəticəsi olaraq bütün Kanada mallarına 100 faiz rüsum tətbiq olunacağını bildirmişdi.
Turqut Ansari
13:55 10.02.2026
Oxunuş sayı: 542
