Trampdan açıqlama: İranla görüşün yerini deyə bilmərəm
ABŞ prezidenti Donald Tramp İranla planlaşdırılan təmaslarla bağlı maraqlı açıqlama verib. Dünən jurnalistlərin suallarını cavablandıran Tramp, İran nümayəndələri ilə keçiriləcək görüşün harada baş tutacağı barədə məlumat verməkdən imtina edib.
Crossmedia.az bu barədə xarici mediaya istinadən xəbər verir.
Müxbirin “İranla görüş harada olacaq?” sualına ABŞ prezidenti belə cavab verib:
“Bunu sizə deyə bilmərəm. Birdən çox görüş var”.
Donald Trampın bu açıqlaması Vaşinqton və Tehran arasında təmasların bir neçə formatda və müxtəlif platformalarda planlaşdırıldığını göstərir. Bu isə ABŞ–İran münasibətlərində yaxın dövrdə diplomatik fəallığın arta biləcəyinə dair ehtimalları gücləndirir.
12:02 04.02.2026
Oxunuş sayı: 605
