Ukrayna Prezidenti Volodimir Zelenski gələcək siyasi planları ilə bağlı açıqlama verib. Onun sözlərinə görə, növbəti prezident seçkilərində yenidən iştirak edib-etməyəcəyi birbaşa Ukraynada davam edən müharibənin necə başa çatacağından asılıdır.
Bu barədə Crossmedia.az xarici KİV-ə istinadən xəbər verir.
“Bəzən yenidən prezident seçkilərində iştirak etməyi düşünürəm, amma bu, müharibənin necə bitəcəyindən asılı olacaq”, – deyə Zelenski bildirib.
Ukrayna lideri vurğulayıb ki, hazırda bütün diqqət ölkənin müdafiəsinə, təhlükəsizliyin təmin olunmasına və müharibənin Ukraynanın maraqlarına uyğun şəkildə başa çatdırılmasına yönəlib. Onun sözlərinə görə, siyasi gələcəklə bağlı qərarlar yalnız bundan sonra gündəmə gələ bilər.
Qeyd edək ki, Ukraynada hərbi vəziyyətlə əlaqədar prezident və parlament seçkiləri təxirə salınıb.
Türkanə Muradlı
