Xarici xəbərlər

ABŞ HHQ-dən strateji siqnal: Avropa və Körfəz bazalarına geniş transfer

ABŞ-nin İrana qarşı mümkün hərbi əməliyyata hazırlaşdığına dair əlamətlər artmaqdadır.

ABŞ Milli Qvardiyasının Hərbi Hava Qüvvələrinə məxsus 158-ci qırıcı qanadın F-35A Lightning II qırıcıları iki KC-46A Pegasus yanacaq doldurma təyyarəsinin dəstəyi ilə Portuqaliyaya aid Azor adalarındakı Lajes aviabazasına çatıb.

Crossmedia.az xarici mediaya istinadən xəbər verir.

Eyni zamanda, altı EA-18G Growler radioelektron mübarizə təyyarəsi dörd KC-46A tankerinin müşayiəti ilə Virciniya ştatındakı Okeana hərbi-dəniz aviabazasından İspaniyanın Rota bazasına uçuş həyata keçirib.

ABŞ-nin ağır hərbi-nəqliyyat potensialı da bölgəyə yönləndirilib.

Robert Qrey aviabazasından qalxan dörd C-17 Globemaster III Almaniyanın Spangdahlem aviabazasına, üç C-17 isə Səudiyyə Ərəbistanındakı Şahzadə Sultan aviabazasına eniş edib. Bundan əlavə, bir C-17 Globemaster III Küveytdə yerləşən Əli əl-Salem aviabazasına çatıb.

🖨 Çap et

21:37 31.01.2026

Oxunuş sayı: 543