Ermənistanın sabiq mədəniyyət naziri Pogoşyan amnistiyaya düşüb
Ermənistanın sabiq mədəniyyət naziri Asmik Pogoşyan, böyük məbləğdə dələduzluğa kömək və təhrikdə ittiham edilərək məhkum edilsə də, amnistiya nəticəsində azad edilib.
Crossmedia.az xarici KİV-ə istinadən xəbər verir ki, Pogoşyan 4 il 6 aylıq həbs cəzasına məhkum edilib. O, vəzifəsindən sui-istifadə, dələduzluğa kömək və təhrikdə suçlu bilinib. Məhkəmə qərarı bu gün, 31 yanvar tarixində qüvvəyə minib, lakin amnistiya tətbiq olunaraq cəza icrası dayandırılıb.
Qeyd olunur ki, 2023-cü ilin payızında Ermənistan Baş Prokurorluğu Pogoşyanın 2012–2016-cı illərdə, prezident Serj Sarkisyanın dönəmində, vəzifə səlahiyyətlərindən istifadə edərək dövlət maraqlarına ziyan vurduğunu bildirmişdi. Həmin vaxt onun barəsində cinayət işi açılıb.
20:31 31.01.2026
Oxunuş sayı: 481
