Gürcüstan baş naziri Kobaxidze: Moskva mexanizmi ədalətsiz kampaniyanın davamıdır
Gürcüstan baş naziri İrakli Kobaxidze bildirib ki, Moskva mexanizminin fəallaşdırılması ölkəyə və gürcü xalqına qarşı uzun illər davam edən ədalətsiz kampaniyanın davamıdır.
Crossmedia.az xəbər verir ki, Kobaxidze qeyd edib: “Bütün bu illər ərzində ölkəmizə qarşı ədalətsiz kampaniya aparılıb və bu, onun davamıdır. Burada görürsünüz ki, xalqımıza dost olmayan ölkələr bu təşəbbüslərin müəllifləridir. Təəssüf ki, biz hələ də bu ölkələrlə bir tərəfli dostluq rejimindəyik”.
Əvvəlcə Gürcüstan parlamentinin sədri Şalva Papuashvili Moskva mexanizminin fəallaşdırılmasını xalqın şantaj edilməsinə yönəlmiş cəhd kimi qiymətləndirib.
Qeyd edək ki, bir gün əvvəl Böyük Britaniya və digər 23 ölkə Gürcüstanda insan hüquqları vəziyyətini pisləşdirmək məqsədilə ekspert missiyası yaratmaq üçün Moskva mexanizmini işə salıblar.
Türkan Kərimli
19:45 31.01.2026
Oxunuş sayı: 414
