ABŞ Dövlət Departamenti İsrailə 6,5 milyard dollardan artıq dəyərdə hərbi texnika və silah satışını təsdiqləyib.
Crossmedia.az bu barədə xarici mediaya istinadən xəbər verir.
Məlumata görə, razılaşmalar çərçivəsində Birgə Yüngül Taktiki Nəqliyyat Vasitələrinin (JLTV) alınması üçün 1,98 milyard dollar, AH-64E Apache helikopterləri üçün 3,8 milyard dollar dəyərində müqavilə imzalanıb. Paketə, həmçinin 740 milyon dollar məbləğində üçüncü bir hərbi satış sazişi də daxildir.
Bununla yanaşı, Səudiyyə Ərəbistanına 700 ədəd Patriot zenit-raket kompleksinin satışı da təsdiqlənib.
Qeyd olunur ki, bu qərarlar ABŞ-nin müdafiə resurslarının prioritetinin Ukraynadan daha çox İsrail və ümumilikdə Yaxın Şərq regionuna yönəldiyini göstərən mühüm siqnal kimi dəyərləndirilir.
