Politoloq: Azərbaycanla Özbəkistan arasında təhsil sahəsində əməkdaşlıq vacibdir
"Son dövrlər Azərbaycan və Özbəkistan arasındakı münasibətlər yüksələn xəttlə inkişaf edir. Təbii ki, bu da hər iki ölkənin maraqlarına tam cavab verir. Bİz prosesləri geosiyasi şərtlər fonunda şərh etməliyik".
Bunu Crossmedia.az-a açıqlamasında Ədalət, Hüquq, Demokratiya (ƏHD) Partiyası İdarə Heyətinin üzvü, politoloq Əli Zülfüqaroğlu deyib.
O, əlavə edib ki, Ikinci dünya müharibəsindən sonra qurulan dünya düzəninin dağılması və yeni dünya düzəninin qurulması prosesində yeni ittifaqların meydana çıxması prioritet hesab olunur. Azərbaycan üçün də prioritet olan Türk dövlətləri təşkilatıdır".
O bildirib ki, Azərbaycan Türk dünyasının birləşdirici ölkəsidir: "Xüsusilə prezident İlham Əliyev yeni təşəbbüslər irəli sürür və Türk dövlətləri onları qəbul edir. Bundan sonra isə həmin təşəbbüslərin praktiki mexanizmləri hazırlanır. Bu kontekstdə Azərbaycan və Özbəkistantan arasındakı münasibətlərin xüsusi əhəmiyyəti var. Bu proseslərin yeni çağırışlara adekvat olduğunu söyləyə bilərik. Belə ki, prezidentlərin qarşılıqlı səfəri, qarşılıqlı etimad, siyasi-ictimai əlaqələrin möhkəmlənməsi bu prosesin tərkib hissəsidir".
Politoloq hesab edir ki, Azərbaycan-Özbəkistan əlaqələri təkcə iki ölkə üçün deyil, bütövlükdə Türk dünyası üçün vacib şərtdir: "Bu əlaqələrin daha da dərinləşməsi istiqamətində prosesləri müşahidə edirik. Bu sərginin isə kifayət qədər ciddi əhəmiyyəti var. Çünki iki ölkə arasındakı münasibətlərin inkişafı, siyasi-iqtisadi, mədəni əlaqələrlə yanaşı, eyni zamanda təhsil sahəsində də inkişaf etdirilməlidir. Bu baxımdan təşkil olunan sərginin sözügedən istiqamətdə aparılan siyasətə töhfə verəcəyini düşünürəm. Təhsil sahəsində də əlaqələrin inkişaf etdirilməsi tələbələrin qarşılıqlı olaraq, yəni Azərbaycan tələbələrinin Özbəkistanda, Özbəkistan tələbələrinin isə Azərbaycanda təhsil alması çox önəmlidir".
Qeyd edək ki, Özbəkistanın Ali təhsil ocaqlarının müəllim və professor heyəti ötən gündən ölkəmizə səfər etmiş və 31 yanvar 2026-cı il tarixində keçiriləcək Özbəkistan universitetlərinin II Təhsil Sərgisində iştirak edirlər.
Xatırladaq ki, sərgi Özbəkistan Respublikası Ali Təhsil Nazirliyi, Özbəkistanın Azərbaycandakı Səfirliyi ilə birgə Azərbaycan Milli Elmlər Akademiyası və CrossMedia.az saytının dəstəyi ilə həyata keçirilir.
Fatimə Məmmədova
14:10 31.01.2026
Oxunuş sayı: 571
