Aİ Qırğızıstana qarşı sanksiyalar tətbiq etməyə hazırlaşır
Avropa İttifaqı məhdudiyyətlərin 20-ci paketi çərçivəsində Qırğızıstana qarşı sanksiyaların tətbiqini müzakirə edir.
Crossmedia.az "Bloomberg" agentliyinə istinadən məlumat verir ki, Qırğızıstan sanksiyalardan yayınmaya görə cəzalandırma mexanizminin tətbiq ediləcəyi keçmiş SSRİ məkanında ilk ölkə ola bilər. Söhbət Qırğızıstana dəzgahlar və radioelektron avadanlıqların tədarükünə qadağa qoyulmasından gedir.
Müharibənin başlanmasından sonra Qırğızıstan sanksiya altına düşmüş Avropa mallarının Rusiyaya çatdırılması üçün əsas tranzit mərkəzlərindən birinə çevrilib. Aİ-nin bir sıra ölkələrindən respublikaya ixrac kəskin şəkildə artıb — bəzi hallarda 10 000 faizdən çox — və bu məhsullar sonradan faktiki olaraq Rusiya bazarına yönləndirilib.
Turqut Ansari
13:14 31.01.2026
Oxunuş sayı: 479
