Trampın qərarı dünyanı nüvə təhlükəsi ilə üz-üzə qoyacaq
ABŞ Prezidenti Donald Tramp, ABŞ və Rusiyanın nüvə silahlanmasına nəzarət edən son Strateji Silahların Məhdudlaşdırılması Müqaviləsinin (New START) gələcəyini qərara bağlamalıdır.Müqavilə 5 fevralda başa çatır və Ağ Ev hələ Moskvanın bir illik uzadılma təklifinə cavab verməyib.
Crossmedia.az bu barədə "The Wall Street Journal"a istinadən xəbər verir.
2011-ci ildə imzalanan müqavilə hər iki ölkənin strateji döyüş başlıqları, qitələrarası ballistik raketlər və ağır bombardmançılar üzrə məhdudiyyətlərini tənzimləyir. Əgər müqavilə əvəzedici olmadan başa çatarsa, bu, 50 ildən sonra ilk dəfə ABŞ və Rusiyanın nüvə arsenalının rəsmi məhdudiyyətsiz qalması demək olacaq.
Trampın yaxın çevrəsində üç mümkün yanaşma müzakirə olunur: məhdudiyyətlərdən tam imtina, yoxlamaların bərpası ilə müvəqqəti uzadılma və ya Moskvanın təklifini yeni, daha geniş saziş üçün fasilə kimi qəbul etmək.
Respublikaçılar Partiyası daxilində mövzu ilə bağlı gərgin müzakirələr gedir: sərt xətt tərəfdarları sazişdən imtina edilməsini tələb edir, nəzarət tərəfdarları isə yeni silahlanma yarışı və nüvə səhvlərinin artacağı barədə xəbərdarlıq edir.
10:35 31.01.2026
Oxunuş sayı: 314
