85 nəfər qar fırtınasına görə həyatını itirdi
ABŞ-də güclü qar fırtınası nəticəsində həyatını itirənlərin sayı 85 nəfərə yüksəlib.
Crossmedia.az bu barədə "Associated Press"-ə istinadən xəbər verir.
Məlumata görə, ölənlərin əksəriyyəti ABŞ-nin müxtəlif ştatlarında qeydə alınıb. Ölüm hallarının səbəbləri arasında hipotermiya, soyuqdan qorunmaq məqsədilə od yandırılması zamanı dəm qazından zəhərlənmə, yol-nəqliyyat qəzaları, eləcə də qar kürəmə işləri zamanı baş verən infarktlar yer alır.
Səlahiyyətli qurumlar və fövqəladə xidmətlər vətəndaşları ehtiyatlı olmağa, xüsusilə sərt hava şəraitində təhlükəsizlik qaydalarına ciddi əməl etməyə çağırır. ABŞ-nin bəzi bölgələrində hava şəraitinin hələ də təhlükəli olaraq qaldığı bildirilir.
14:45 30.01.2026
Oxunuş sayı: 550
