Britaniyanın Kral Hərbi Hava Qüvvələrinə məxsus “Typhoon” qırıcıları İranın mümkün cavab tədbirlərinə qarşı təhlükəsizlik məqsədilə Qətərdə yerləşdirilib. Bu barədə The Guardian Britaniya mənbələrinə istinadən məlumat yayıb.
Crossmedia.az xəbər verir ki, qırıcıların yerləşdirilməsi Qətər hakimiyyətinin müraciəti əsasında həyata keçirilib və məqsəd regionda hərbi gərginlik zamanı ölkənin təhlükəsizliyinə dəstək göstərməkdir.
Məlumata görə, Britaniyanın ABŞ-ın İrana qarşı mümkün hərbi əməliyyatına birbaşa qoşulması ehtimalı az qiymətləndirilir. Lakin İran tərəfindən cavab hücumu baş verərsə, London Fars körfəzi ölkələrinin müdafiəsinə dəstək məqsədilə hərəkət edə bilər.
Ekspertlər qeyd edirlər ki, bu addım regionda potensial gərginliyi azaltmaq və Qətərin təhlükəsizliyini təmin etmək baxımından strateji əhəmiyyət daşıyır.
