Kiyev Tehranla bağlı bu qərarı alqışladı
Ukraynanın xarici işlər naziri Andrey Sibiqa Avropa Birliyinin (Aİ) İrana qarşı qəbul etdiyi yeni sanksiya qərarlarını müsbət qiymətləndirib.
Crossmedia.az xarici mediaya istinadən xəbər verir ki, nazir bununla bağlı “X” sosial şəbəkəsində paylaşım edib.
Sibiqa qeyd edib ki, Avropa Birliyi Xarici İşlər Şurasının İranda insan haqlarının kobud şəkildə pozulması, eləcə də Rusiya–Ukrayna müharibəsində Rusiyaya hərbi dəstək verilməsi ilə əlaqədar sanksiyaları gücləndirməsi təqdirəlayiq addımdır.
Ukrayna XİN başçısı eyni zamanda müharibə, təbliğat və beynəlxalq təhlükəsizliyin pozulmasına görə Rusiyaya, habelə Sudanda zorakılıq və qeyri-sabitliyə görə məsuliyyət daşıyan şəxslərə qarşı sanksiyaların tətbiqini də alqışladığını vurğulayıb.
Nazirin sözlərinə görə, davamlı sanksiya təzyiqi təcavüzün qarşısının alınması və beynəlxalq hüququn qorunması üçün mühüm alətdir və bu istiqamətdə beynəlxalq birliyin prinsipial mövqe nümayiş etdirməsi vacibdir.
13:38 30.01.2026
Oxunuş sayı: 552
