Vaşinqtonun İran planı Moskvanı narahat etdi
Kremlin mətbuat katibi Dmitri Peskov ABŞ-nin İrana qarşı mümkün hərbi addımlarını şərh edərkən bildirib ki, bu cür addım Yaxın Şərqdə vəziyyəti ciddi şəkildə sabitsizləşdirə və yeni təhlükəli mərhələyə keçid yarada bilər.
Crossmedia.az bu barədə xarici mediaya istinadən xəbər verir.
Peskovun sözlərinə görə, Kreml regionda gərginliyin artmasında maraqlı deyil və Rusiya mövcud risklərin azaldılması üçün diplomatik səylərini davam etdirir.
O vurğulayıb ki, yaranmış problemlərin həlli yalnız siyasi dialoq və diplomatik vasitələrlə mümkündür. Kremlin sözçüsü bu məsələdə bütün maraqlı tərəfləri təmkinli davranmağa və eskalasiyadan çəkinməyə çağırıb.
Peskov əlavə edib ki, hərbi ssenarilər region üçün ağır nəticələr doğura və təhlükəsizlik balansını pozan uzunmüddətli fəsadlara yol aça bilər.
10:53 30.01.2026
Oxunuş sayı: 506
