Helsinkidə 20 Yanvar şəhidlərinin xatirə guşəsi yaradılıb
Finlandiyanın paytaxtı Helsinkidə fəaliyyət göstərən Azərbaycan Evində 1990-cı il yanvarın 20-də Bakıda Sovet imperiyasının törətdiyi faciədə Vətənin azadlığı və müstəqilliyi uğrunda canından keçən igidlərin xatirəsinə anım guşəsi yaradılıb.
Crossmedia.az xəbər verir ki, bu barədə Diasporla İş üzrə Dövlət Komitəsi məlumat yayıb.
Xatirə guşəsinin təşəbbüskarı və təşkilatçıları Skandinaviya Azərbaycanlıları Koordinasiya Şurasının Finlandiya üzrə əlaqələndiricisi Mona Savojifarın və Helsinki Azərbaycan Evinin rəhbəri Ülviyə Cabbarovadır.
Helsinki Azərbaycan Evinin ziyarətçiləri guşədə 20 Yanvar hadisələrini əks etdirən foto-materiallar və digər məlumatlandırıcı resurslarla tanış olub, şəhidlərin əziz xatirəsini böyük hörmətlə yad ediblər.
17:18 22.01.2026
Oxunuş sayı: 1218
