Əmək və sosial siyasət
DSMF-də İctimai şura üzvləri ilə görüş keçirilib
Dövlət Sosial Müdafiə Fondunda (DSMF) Əmək və Əhalinin Sosial Müdafiəsi Nazirliyi yanında İctimai şuranın üzvləri ilə görüş keçirilib.
Crossmedia.az xəbər verir ki, görüşdə DSMF-nin İdarə Heyətinin sədri Zəka Mirzəyev şura üzvlərinə Fondun fəaliyyəti və 2025-ci ildə görülmüş işlər barədə məlumat verib, növbəti il görüləcək işləri diqqətə çatdırıb.
Bundan başqa xidmət keyfiyyətinin daha da yaxşılaşdırılması istiqamətində görüləcək işlərdən, ötən müddət ərzində həyata keçirilən elektron xidmətlərin keyfiyyətindən, operativliyin təmin olunmasından və vətəndaş məmnuniyyətinin artırılmasından bəhs olunub.
Müzakirələr zamanı şura üzvləri xidmət keyfiyyəti və vətəndaş məmnuniyyətinin artırılması istiqamətində görülmüş işləri, əhalinin sosial rifahının yaxşılaşdırılması istiqamətində atılacaq addımları yüksək qiymətləndiriblər.
Görüşdə “Korrupsiyaya qarşı mübarizənin gücləndirilməsinə dair 2022-2026-cı illər üçün Milli Fəaliyyət Planı”nın icrası çərçivəsində vətəndaş cəmiyyəti institutları ilə əməkdaşlıq məsələləri də müzakirə olunub.
Korrupsiyaya qarşı mübarizə sahəsində fəaliyyət göstərən vətəndaş cəmiyyəti institutları ilə dövlət orqanları arasında əməkdaşlığın daha da gücləndirilməsinin və birgə layihələrin həyata keçirilməsinin əhəmiyyəti vurğulanıb. Fondun korrupsiyaya qarşı mübarizə sahəsində gördüyü işlər diqqətə çatdırılıb.
İctimai şuranın sədri Elşad Məmmədovun, şuranın digər üzvlərinin fikirləri, təklifləri dinlənilib. İctimai şura üzvləri ilə Fondun fəaliyyət sahələri üzrə gələcək əməkdaşlıq məsələlərinə dair fikir mübadiləsi aparılıb.
15:32 19.12.2025
Oxunuş sayı: 1484
