Şərqşünaslıq İnstitutu ilə Qafqaz Universiteti arasında əməkdaşlıq protokolu imzalanıb
Türkiyənin Qafqaz Universitetinin Harakani Tədqiqat Mərkəzinin müdiri dosent Alparslan Kartal dekabrın 16-da AMEA-nın akademik Ziya Bünyadov adına Şərqşünaslıq İnstitutunda olub. A.Kartal AMEA-nın vitse-prezidenti, Şərqşünaslıq İnstitutunun direktoru akademik Gövhər Baxşəliyeva ilə görüşüb.
Crossmedia.az xəbər verir ki, İnstitutdan bildirilib ki, görüşdə Azərbaycanla Türkiyənin elm və təhsil müəssisələri arasında əməkdaşlıqdan bəhs edilib. Akademik G.Baxşəliyeva Şərqşünaslıq İnstitutunda aparılan elmi tədqiqatların istiqamətləri, türkologiya sahəsində aparılan araşdırmalar, nəşr olunan kitablar barədə məlumat verib. A.Kartal ona təqdim edilən kitabların elmi tədqiqatlarına böyük faydası olacağını bildirib. Sonra Şərqşünaslıq İnstitutu ilə Qafqaz Universiteti arasında əməkdaşlıq haqqında anlaşma protokolu imzalanıb.
Protokolun məqsədi birgə elmi layihələr həyata keçirmək, elmi tədqiqatlar aparmaq, konfranslar, seminarlar təşkil etmək, kitablar nəşr etdirmək, tədqiqatçı mübadiləsi aparmaqdır.
15:45 16.12.2025
Oxunuş sayı: 1070
