Deputat: Crossmedia.az Azərbaycan mediasının keyfiyyətinin yüksəldilməsinə töhfə verir
Crossmedia.az Analitik İnformasiya Portalının fəaliyyətə başlamasından bir il keçir. Noyabrın 1-də saytın yaranmasının 1 illiyi qeyd olunur. 1 yaş münasibətilə redaksiyaya təbriklər daxil olmağa davam edir.
Milli Məclisin deputatı Səbinə Salmanova Crossmedia.az-a təbrikində deyib: "Sizi portalınızın 1 illik yubileyi münasibətilə ürəkdən təbrik edirəm! Bu qısa müddət ərzində Crossmedia.az informasiya məkanında analitik, obyektiv və peşəkar yanaşması ilə oxucuların etibarını qazanaraq öz yerini möhkəmləndirmişdir. Portal ölkəmizdə media sahəsində innovativ yanaşmaları, dəqiq və operativ xəbərlərin çatdırılmasını təmin etməklə, cəmiyyətin informasiya tələbatını yüksək səviyyədə qarşılayır. Bir il ərzində Crossmedia.az yalnız xəbərləri təqdim etməklə kifayətlənməmiş, həm də müxtəlif mövzularda dərin analitik materiallar, ekspert qiymətləndirmələri və məlumatlandırıcı məqalələr vasitəsilə oxuculara geniş perspektivlər açmışdır. Portalın fəaliyyəti ictimaiyyətin məlumatlılığının artırılmasına, elmi və intellektual diskussiyaların inkişafına, həmçinin Azərbaycan mediasının keyfiyyətinin yüksəldilməsinə töhfə verir. Bu bir il ərzində göstərdiyiniz peşəkarlıq, innovativ yanaşmalar və davamlı fəaliyyət Crossmedia.az-ı media məkanında nüfuzlu bir portal kimi tanıtmışdır. Gələcəkdə də portalın informasiya məkanında özünəməxsus yer tutacağına, oxuculara faydalı, obyektiv və maraqlı məzmun təqdim edəcəyinə inanıram. Sizə növbəti illərdə daha böyük uğurlar, yaradıcı təşəbbüslər, geniş oxucu auditoriyası və ölkəmizdə media sahəsinin inkişafına verdiyiniz töhfələrin artmasını arzulayıram".
14:58 04.11.2025
Oxunuş sayı: 1993
