İlon Mask: Böyük Britaniya parlamenti buraxılmalıdır
Milyarder iş adamı İlon Mask Londonda keçirilən yürüşə onlayn qoşularaq sərt bəyanatlar səsləndirib. O, Böyük Britaniya vətəndaşlarını gələcək uğrunda mübarizəyə çağırıb.
Crossmedia.az xarici KİV-ə istinadən xəbər verir.
İlon Mask çıxışı zamanı qeyd edib: “Biz mübarizə aparmalıyıq. Bütün Böyük Britaniya vətəndaşları gələcəkləri üçün mübarizə aparmalıdır. Əks halda, gələcək olmayacaq”, – deyə Mask bildirib.
Mask həmçinin Böyük Britaniya parlamentinin buraxılmasını tələb edib:
“Bizim dörd ilimiz və növbəti seçkilərə qədər vaxtımız yoxdur. Bu, çox uzundur. Təcili hərəkət etmək lazımdır. Parlament buraxılmalı və yeni səsvermə keçirilməlidir”.
Onun sözlərinə görə, Böyük Britaniya hazırda nəzarətsiz miqrasiya, həddindən artıq bürokratiya və söz azadlığına qoyulan məhdudiyyətlərdən əziyyət çəkir. Buna görə də, hökumət miqyasında böyük islahatlar qaçılmazdır.
17:29 14.09.2025
Oxunuş sayı: 1162
