Donald Tramp: “Rusiya neftini almayıblarsa, sərt sanksiyalar tətbiq etməyə hazıram”
ABŞ Prezidenti Donald Tramp bildirib ki, Rusiya neftinin alınmasının dayandırılması və NATO ölkələrinin birgə hərəkət etməsi halında Moskva üzərinə sərt sanksiyalar tətbiq etməyə hazırdır.
Crossmedia.az xəbər verir ki, Tramp bu açıqlamanı Truth Social platformasında NATO ölkələrinə və dünyaya mesaj olaraq paylaşıb.
Prezident qeyd edib ki, Rusiya neftinin alınması alyansın danışıqlar mövqeyini zəiflədir. O, həmçinin NATO ölkələrinə Çin mallarına 50–100% tarif tətbiq etməyi təklif edib, bunun Ukrayna müharibəsi bitənədək Moskvanı Pekin dəstəyindən məhrum edəcəyini bildirib.
Tramp vurğulayıb: “Bu, Trampın müharibəsi deyil. Əgər mən prezident olsaydım, bu müharibə baş verməzdi. Bu, Bayden və Zelenski müharibəsidir”. O, məqsədinin konflikti dayandırmaq və minlərlə insanın həyatını xilas etmək olduğunu, yalnız keçən həftə 7 mindən çox insanın öldüyünü bildirib.
ABŞ lideri NATO ölkələrini birgə hərəkət etməyə çağırıb ki, “bu dəhşətli müharibəyə mümkün qədər tez son qoyulsun”. Tramp həmçinin xəbərdarlıq edib ki, alyans onun təşəbbüslərini dəstəkləməsə, bu, yalnız “onun vaxtını, səylərini və amerikalı vergi ödəyicilərinin pulunu sərf etmək” olar.
21:05 13.09.2025
Oxunuş sayı: 668
