Azərbaycan-Ermənistan sərhədində baş vermiş sentyabr döyüşlərindən 3 il ötür
Azərbaycan-Ermənistan sərhədində 12 - 14 sentyabr 2022 tarixlərində baş vermiş döyüşlərin başlamasından 3 il keçir.
Döyüşlər Daşkəsən, Kəlbəcər, Laçın, Zəngilan istiqamətlərində baş verdi.
Crossmedia.az xəbər verir ki, döyüşlərin baş verməsinə səbəb isə Ermənistan ordusunun sərhəd boyunca genişmiqyaslı təxribatlar törətməsi və Azərbaycan ordusunun mövqelərinin atəşə tutulması oldu.
Azərbaycan cavab olaraq lokal hərbi əməliyyatlara başladı.
Azərbaycan ordusu erməni mövqelərinə zərbələr endirdi. Bir sıra yüksəkliklər və strateji əhəmiyyətli mövqelər nəzarətə götürüldü. Ermənistan ordusu ciddi itkilər verdi.
Azərbaycan ordusu döyüşlər zamanı 80 nəfər şəhid verdi. Ermənistan tərəfi rəsmi olaraq 200-dən çox hərbçi itirdiyini bildirdi.
16:49 13.09.2025
Oxunuş sayı: 6328
