“Hraparak”: Qarabağda görüşüblər və qərar veriblər ki, sərhədin delimitasiyası Tavusda deyil, Zəngəzurda davam etdirilsin
“İlin əvvəlində Ermənistan-Azərbaycan sərhədinin delimitasiyasının Tavusdan davam etdiriləcəyi elan olunsa da, məlumatlarımıza görə, Azərbaycan tərəfi bu prosesin Zəngəzurdan başlamasında israr edir”.
Crossmedia.az xəbər verir ki, bu barədə Ermənistanın “Hraparak” nəşri yazıb.
Nəşr qeyd edib ki, Vaşinqton sazişindən sonra Azərbaycan, Prezident İlham Əliyevin ifadə etdiyi kimi, Zəngəzur dəhlizini həyata keçirməyə tələsir, bu məqsədlə sərhədin delimitasiyası üzrə komissiyaların təmaslarında da aktivlik müşahidə olunur.
“Son günlər məlum olub ki, sentyabrın 5-də Ermənistanın Baş nazirinin müavini Mher Qriqoryan və Azərbaycanın Baş nazirinin müavini Şahin Mustafayevin rəhbərliyi ilə Ermənistan ərazisinə, Azərbaycan Respublikasının ərazisinə qarşılıqlı səfərlər baş tutub.
Ermənistan Xarici İşlər Nazirliyindən həmçinin bildirilib: “2025-ci il avqustun 8-də Vaşinqtonda əldə olunmuş razılaşmalara uyğun olaraq tərəflər kommunikasiya sahəsində fəaliyyətlərin sinxronizasiyası məqsədilə müvafiq sərhəd sahələrinin /hissələrinin delimitasiyası, minatəmizləmə, eləcə də zəruri infrastrukturun bərpası və inşası və onların həyata keçirilmə müddətləri ilə bağlı məsələləri müzakirə ediblər”, - deyə nəşr bildirib.
KİV-in məlumatına görə, Mher Qriqoryanın ofisindən əlavə olaraq eyd edilib ki, görüş Zəngəzur vilayətinin və Zəngilan rayonunun cənub hissələrində baş tutub.
“Məlumatlarımıza görə, tərəflər əvvəlcə helikopterlə Mehridə görüşüblər, sonra isə Azərbaycan Respublikasının ərazisi kimi Qarabağa səfər ediblər. Bizə dedilər ki, görüş iştirakçılarını təsvirolunmaz bir hiss bürüyüb, amma heç kim bunu sözlə ifadə etməyib. Azərbaycan tərəfinin tələbi ilə qərara gəlinib ki, delimitasiya Zəngəzurda davam etdirilsin. Bundan əlavə, Vorotan-Şurnux yolunun qaytarılması məsələsini müzakirə edərkən, azərbaycanlılar bildiriblər ki, buna ehtiyac yoxdur, çünki erməni tərəfi artıq onun alternativini inşa edib.
Bu məsələdə hələ yekun razılıq yoxdur, amma deyirlər ki, söhbət yalnız yoldan getmir, ərazilər məsələsində də Azərbaycanın təələbləri var”, - deyə müəllif bildirib.
10:12 13.09.2025
Oxunuş sayı: 5458
