Azərbaycan prioritet məsələ kimi turizm və aqrar sahəyə böyük önəm verir – Vüqar İskəndərov
Azərbaycan son illərdə hərtərəfli, siyasi və iqtisadi tərəfdən fenomenal bir formada inkişaf etməkdədir. Xarici siyasətdəki uğurlarımız daxili siyasətdəki böyük uğurlarımızı tamamlayır.
Crossmedia.az xəbər verir ki, bunu Milli Məclisin Aqrar siyasət komitəsinin üzvü Vüqar İskəndərov komitənin bugünkü iclsasında çıxışı zamanı deyib.
Millət vəkili bildirib ki, siyasətin tərkib hissəsi olan parlament də kifayət qədər həm beynəlxalq diplomatiyada, həm daxildə qanunvericilik sahəsində çox uğurlu fəaliyyət göstərir. Parlament sədrinin xarici səfərləri beynəlxalq təşkilatlardakı nüfuzumuza töhfədir.
Deputat bildirib ki, komitənin profil nazirlik və agentliklərlə işini daha da sıxlaşdırmaq lazımdır:
“Görüş və ictimai dinləmələrdə həmin orqanların birinci şəxslərinin iştirakı vacibdir. Çünki bəzi məsələlərdə birbaşa siyasi iradəyə ehtiyac olur. Birinci şəxslər həmin iclasda iştirak edib bu məsələləri özləri eşidib, qərar verməlidirlır”.
V.İskəndərovun sözlərinə görə, Azərbaycan Ulu öndər Heydər Əliyevin 1969-cu ildən hakimiyyətə gəlişindən sonra aqrar ölkə kimi inkişaf etdi:
“İndi bu sahədə də kifayət qədər işlər görülür. Azərbaycan prioritet məsələ kimi turizm və aqrar sahəyə böyük önəm verir. Prezident İlham Əliyev daxili siyasətdəki əsas prioritet məsələlərdən biri kimi qarşımıza qoyub. Hədəflərimizdən biri də aqrar inkişafdır”.
12:46 12.09.2025
Oxunuş sayı: 1223
