Macarıstan və Azərbaycan su idarəçiliyində əməkdaşlığı genişləndirir
Macarıstan və Azərbaycan su idarəçiliyi sahəsində ortaq hədəflərə, oxşar çağırışlara və yeni imkanlara malikdir.
Crossmedia.az xəbər verir ki, bunu Macarıstanın Azərbaycandakı səfiri Tamaş Torma Bakıda keçirilən 2-ci Beynəlxalq Su Təsərrüfatı Sərgi və Konfransı – "Baku Water Week" çərçivəsində təşkil olunan "Xəzər Su İnnovasiya Forumu 2025: Suya dəyər qatırıq" adlı paneldə deyib.
Onun sözlərinə görə, artıq Macarıstan və Azərbaycan qurumları arasında uğurlu əməkdaşlığın əsası qoyulub:
"Bu həftənin əvvəlində Macarıstan Baş Su İdarəsi ilə Azərbaycan Dövlət Su Ehtiyatları Agentliyi arasında Anlaşma Memorandumu imzalanıb. Hesab edirəm ki, bu əməkdaşlıq bazarların genişləndirilməsi, texnologiyaların ixracı və etibarlı innovativ həllərin tətbiqi üçün yeni imkanlar açacaq".
Səfir bildirib ki, ölkəsinin universitetləri su idarəçiliyi və su diplomatiyası üzrə magistr proqramları təklif edir, quraqlığa davamlı kənd təsərrüfatı texnologiyaları və suya qənaət həllərinin inkişafında ciddi təcrübəyə malikdir:
"Budapeştdə yerləşən Quraqlığın Qarşısının Alınması İnstitutu Türk Dövlətləri Təşkilatına üzv ölkələr arasında əməkdaşlığı gücləndirir və layihələrin maliyyələşməsinə vasitəçilik edir. Azərbaycan tərəfini institutun elan etdiyi müsabiqələrə layihə təklifləri ilə qatılmağa təşviq edirəm".
Diplomat əlavə edib ki, Macarıstanın əksər su resursları sərhədlərdən kənardan gəlir:
"Macarıstan transsərhəd su əməkdaşlığında zəngin təcrübəyə malikdir və hesab edi
11:21 12.09.2025
Oxunuş sayı: 5249
