Federal Təhlükəsizlik Xidmətinin səhvi Moskva-Bakı münasibətlərini gərginləşdirib
İyun ayında Rusiyanın Yekaterinburq şəhərində azərbaycanlılara qarşı sərt davranış göstərilməsi, onların həbsi edilməsi Sverdolvsk vilayətində Federal Təhlükəsizlik Xidmətinin (FSB) yerli idarəsində yoxlamaların başlaması ilə nəticələnib. Qeyd edək ki, FSB-nin bu addımı Moskva ilə Bakı arasında diplomatik gərginlik yaradıb.
Crossmedia.az bildirir ki, FSB-nin İstintaq Komitəsinin mayoru Yaroslav Küzvesov əməliyyat üçün “yaşıl işıq” alarkən rəhbərliyini Səfərovlar və Şıxlınskiyə qarşı danılmaz sübutların mövcud olduğuna inandırmışdı. Lakin iki ay sonra ortaya çıxıb ki, şahid ifadələrindən başqa heç bir əsaslı dəlil yoxdur.
Moskvadan gələn yoxlama general-mayor İqor Nikolayevin rəhbərlik etdiyi FSB-in regional idarəsinin belə bir səhvə necə yol verdiyini araşdırır. Məlumata görə İstintaq Komitəsinin idarə rəisi, general-mayor Boqdan Frantişko mayor Küzvesovu qorumağa çalışır. Mayor isə artıq etiraf edib ki, şəxsi ambisiyalarına görə rəhbərliyi aldadıb.
Yekaterinburqda baş vermiş hadisə beynəlxalq müstəviyə çıxıb. Saxlanılanların azad olunması Moskvanın zəifliyi kimi qəbul edilə bilər, amma ittihamlar üçün yetərli arqumentlər də tapılmayıb.
15:48 10.09.2025
Oxunuş sayı: 5365
