Konor Makqreqor İrlandiya Prezidenti olmaq niyyətindədir
Məşhur irlandiyalı döyüşçü Konor Makqreqor prezident seçkilərində iştirak etmək niyyətini açıqlayıb. O, bildirib ki, xalqın təsdiqi olmadan heç bir qanunu imzalamayacaq. Makqreqor həmçinin vurğulayıb ki, cəmiyyətin müxtəlif təbəqələrinin səsini eşitmək və qərarların qəbulunda onların iştirakını təmin etmək istəyir.
Crossmedia.az xarici mediaya istinadən bildirir ki, Makqreqor yerli deputatlara müraciət edərək, onun namizədliyini irəli sürməyə çağırıb. O, siyasi sistemdə uzun müddətdir diqqətdən kənarda qalan icmalara daha çox səlahiyyət vermək niyyətində olduğunu söyləyib. İrlandiyalı idmançının bu qərarı ictimaiyyətdə böyük maraq doğurub.
Maraqlı məqamlardan biri də odur ki, “Tesla” şirkətinin rəhbəri İlon Mask Makqreqora dəstək ifadə edib. Mask qeyd edib ki, Makqreqorun xalqı üçün mübarizə aparmaq əzmi onu fərqləndirən əsas xüsusiyyətdir.
Qeyd edək ki, İrlandiyada prezident seçkiləri 2025-ci ilin 24 oktyabr tarixində keçiriləcək. Bu səbəbdən, qarşıdakı aylarda Makqreqorun seçki kampaniyası həm ölkə daxilində, həm də beynəlxalq mediada diqqətlə izləniləcək.
23:40 05.09.2025
Oxunuş sayı: 885
