Tokayev: Qazaxıstan ŞƏT-in terrorizm və ekstremizmə qarşı birgə səylərini dəstəkləyir
Qazaxıstan hakimiyyəti Şanxay Əməkdaşlıq Təşkilatının (ŞƏT) terrorizm, separatizm və dini ekstremizmlə mübarizədə birgə səylərini aktual hesab edir.
Crossmedia.az xəbər verir ki, bunu Qazaxıstan
Prezidenti Kasım-Jomart Tokayev ŞƏT Dövlət Başçıları Şurasının iclasında deyib.
Onun sözlərinə görə, beynəlxalq ictimaiyyət
ŞƏT-i haqlı olaraq səmərəli, nüfuzlu və tələbat olan beynəlxalq təşkilat kimi qəbul
edir.
“Qazaxıstan ŞƏT-in əsas hədəflərini tam dəstəkləyir: ədalətli çoxqütblü dünya nizamı, təhlükəsizlik və sabitlik, dövlətlərin daxili işlərinə qarışmamaq və onların suveren inkişaf hüququnun tanınması; ədalətli beynəlxalq ticarət; qarşılıqlı faydalı investisiya əməkdaşlığı. Təşkilatın prioritet vəzifələri yeni texnoloji dövrdə xalqlarımızın rifahını, təhlükəsizliyini və dayanıqlı inkişafını təmin etmək kimi ali məqsədə xidmət edir”, – Tokayev vurğulayıb.
Niyaz Haciyev
12:10 01.09.2025
Oxunuş sayı: 1061
